VU CVETJU

Ivek Milčec
Sedim u vrtu
iza moje hiže
pa uživam na
proletnom suncu
i cvetju
kaj cvete svud
oko mene,
pak stiheke fletno
vu mene dene.
Napriliku radič
koj’ žute cveteke ima,
kak da mi z njima
diskretno klima,
štel bi da o njem
sklepam stih,
al’ to isto
bi štele prekrasne
šumarice,
kaj cveteju pri plotu,
susede Marice!
Ne bi se štel
zameriti cvetju,
ne bum pesmicu
pisal,
bum z kistom
maslačak, narisal!