Vesna Janković
Tak lepi je jesenski den
gda po listju gazim
tvoje mi reči
vu srcu igraju.
Na grobu krizanteme.
Vužižem lampaš
za tatu i tebe.
Duša se prelama od bola i spomina
i znutra me zebe.
Saki pri svojemu grobu stoji.
Vu večernjoj kmici
tisoče lampaša gori.
Naši dragi stiha spiju.
Kaj je živlenje?
Jen šepet jesenski,
najemput vugašen den,
vu svetlost sveče pretočen sen.
Poskrivečki zeta ti sreča,
zadnja zvezda na nebu trepeča.
Kaj je živlenje?
Ftrgnuti list papera,
vgašeni ogenj na pragu materinske hiže,
cajti šteri onom svetu se so bliže.
V srce si zato pospravlam se kaj je vredno
reči, slike, falačece živlenja
Na kraju sam to nam ostane
krizanteme bele i lampaši kaj goriju
i molitva za naše drage
kaj stiha, stiha spiju.