KAJ GOD!
piše: Ivek Milčec
Ne znam kak spiju moji vršnjaci, ali meni san teško ide na oči. Na počinak nejdem prije pola noći.
-Pa kaj tak kasno delaš? Da nisi i ti jedan od onih kaj oko pol noći iščeju jesti? …priupital me prijatel Ćos koji je u mladosti mogel pojesti za nas troje. Kada sam prijatelu objasnil da mi je sasvim dosta šest sati sna, prekrižil se i rekel da s menom nekaj ni v redu.
-Razmel bi … nastavi Ćos …da si mlad i da celu noć sliniš oko žene, ali budući te to, zbog-više sile-ne zanima nije mi jasno kak ti …