BICIKLINOM UZ SAVU

piše: Nerina Sarkotić
Kad se od Siska prek Martinske Vesi krene prema Ivaniću, imaš kaj praf za videti. Lepe je iti z beciklinom, moreš udahnuti male svežega zraka, a i zrekreiraš se mam dok pedaliraš.

U Sisku se poglediju sve tri reke, Sava, Kupa i Odra, a putem se vojzime same uz Savu.

U Tišini je posle zavoja lepi del ravne ceste, moreš joke baciti na Savu i na skelu koja te za par kuna prepela preko. Ali mi pemo prek mosta. Tak da se spoji staro z novim. Kak je u Martinskoj spojena arhitektura. Dojst je hiži naređeno od sitne cigle i tak stoji godinama. Deluju malo zapušćeno, ali kad sve zgruntaš, vidi se da se život ipak vraća. Valjda je most nekaj tome doprinel.

Dok se primičemo Martinskoj Vesi, krajolikom dominira crkveni toranj, a joke mam beži i na most.

Beli viseći most prek Save. Negda tu ni bilo ni zida ni mosta. Samo guske i skela koju sme čekali ili za njom vikali kak bi se skelar vrnul da nas prepelja. Na mostu je ljepe. Sava se na obadve strane tak lepo prostire, ukrašena guskama i čamcima. Tak je vruć dan da se čini kak da stoji na mestu.

Avantura počinje prelaskom mosta!

Leva je strana morti male kaskala z razvojem, ali joj je ostal tak lepi šarm, da bi čovek reči rekal!

Pred dućanom skupina muških pije pivu i razgovara. Žene su doma, tek pokoje dete na biciklinu vozi se selom.

Neke su hiže tak lepe, sređene, rasvetane kak pravi starinski cvetnjaki, a neke su priređene kak gradske frajle. Ima sega, čovek same treba lepe gledati!

Na biciklinu se more udahnuti i svež miris Save, a moreju se osetiti i svi mirisi poloja i drveća kaj je zraslo uz Savu. Čuti nije nikaj! Uglavnom je tišina. Ak prejde koji auto ili traktor il zalaje cucak.

Sela se tak lepo zmenjuju nanizana uz reku, sako nekaj svoje pripoveda. I se tak lepo zgledi na suncu, bez vetra i bez oblakof po nebu.

Negda je u tom kraju bilo lepih drvenih hiža. Denes je uglavnom se zaraslo. Ali je lepo. Zeleno, stisnuto pod nasipom.

Od Martinske pa se do Leve Luke hiže se stiščeju kak da se stiskanjem buju obranile od vode. A denes ih štiti veliki betonski zid. Male ga je vreme načelo pa je potamnel i nekak se konačno fklopil u prirodu. A morti se sam tak čini.

Luka je za mene navek doživljaj. Tam me miris kravskoga dreka vraća u vreme kad sam kak dete hodala po tom kraju. Ni to smrad, kak denes misliju. To je miris kravice, hraniteljice čije mleko hrani obitelji onoga kraja.

Negda je bilo tak. Denes već više ljudi dela v gradu.

Beciklinom se more lepo odvesti do Dubrovčaka. Zrak dobar, pogled lep. Uz cestu polja, neka pokošena pa se seno zlati na suncu, na nekima kuruza sa zlatnim vrhovima.

Negde u daljini videti je i topole. Zglediju kak da je negdo popikal štape v zemlu. Pogled se odmara na sto nijansi zelene boje, na površini vode i na lepom nebu kaj ni oblačka nema.

Ovak se z beciklina čini da nema niš lepše od te Posavine!