Ljerka Pukec
Ležim f travi, sonce blešči,
veter me miluje, nigde nikog ni.
Najemput sonce se skrile
z neba oblačec me gledi:
Bog daj, Ljerkica moja, pogleč me,
tu sem, pomučke si šepnula mene.
Šte si? Koj si? Koj očeš vezda?
Kaj si me pozabila, poznaju me se
ogulinske šume i slavonske sinokoše,
četiri pot sem blizu Nobela bila.
Ivana sem majka sedmero dečice.
Kak si me pozabila?
F tvoju malu ižu dopeljala sem Potjeha,
Stribora, Svarožića i Hlapića
Razvekla je vusnice f najtopleši smeh:
Senjaj z menu kak negdar.
Hrvacki Andersen, tuliko let te ni al
i denes si dečici mila, kak mila duša
Svarožić tvoj i ve im pripoveda:
Najte ništ zamusikane gledeti
čuvajte svoje hiže i ogenj sveti.
Oblačec Ivana z škrljakem me gledi,
zviraju miti mudrolije običnoga svieta
zviraju ljubaf, vernost i dobrota
Osetim nemir, mati z šume
Striborove celo živlenje me prati.
Ivana moja, otiraj od sebe
misel koja jafče, vužgi f srcu luč.
Poveč mi šte ti je radost kral.
Šte, šte nišče nigdar ne bu znal.
Pomučke mi pripoveda:
Od nečesa moraš otiti naj si
previše gruntati tak je morale biti.
Znad moje sinokoše došel je mesec
i zviezda Danica z njim
ona je stiha z oblačecem otišla
kak da je vrata zaprla.
(SENJE I METEORI 2016.
Zbornik pjesama s XXIV. recitala suvremenog hrvatskog pjesništva)