Goran Gatalica
vitiznanski teštamentum ftapa se
v kuražne samine
duša sprobava risati sve
vu svoje slobode
dalko od skučenosti i gingaveh senji
duša sprobava kaj bu zutra
v možđane meštilnice
širočku misel sprobava brusiti
egzištencijalna kmica šepesa
čez verzuše
i bitju zmišla onostranska imena
ostavlam vitizanski teštamentum
na svetlu čiste hosane
tam gde popevaju smerti
pobožne citre i strune
tam gde dušu greje ajngelov let
zapisuvlem devičanske cajte
živlenja
v prostorju dišeče nutrine
verzuši zbiraju žmah kesne vure
med akordi noči popeva Edit Piaf
nočni metuli sudbinski
perhaju na mesečini
vitiznanski teštamentum – pjesnički testament (oporuka), ftapa – utapa, v kuražne samine – u hrabroj samoći, sprobava – isprobava, dalko – daleko, gingaveh senji – nemoćnih snova, v možđane meštrilnice – u moždanoj majstorskoj radionici, kmica – mrak, šepesa – šepa, čez verzuše – kroz stihove, bitju – bitku, zmišla – izmišlja, popevaju – pjevaju, greje – grije, ajngelov let – anđelov let, zapisuvlem – zapisujem, cajte živlenja – vremena života, zbiraju – izabiru, žmah kesne vure – okus kasnoga sata, med akordi – među akordima, metuli – leptiri, perhaju – lete, mašu krilima
-Goran Gatalica, Nagrada “KONJANIK”, 3. festival poezije “Ban Josip Jelačić”, 2021.