IZ DRUGIH MEDIJA …Politika.com
Boltek
Dosta je politike. Treba nekaj i delati. Izvršiti obveze stoljećima utkane u naše obiteljske i rodbinske veze. Dosta mi je izbora, prosvjeda, lijevih i desnih, ustaša i partizana. Idem među ljude. Jesti, piti, i vesel biti ak je to ikako moguće.
Kraj svibnja i početak lipnja osim izbornih radosti vudrili su mi takav tempo kakav nemaju ni saborski dremljivci. Štel sam iti v pivnicu Medvedgrad kak bi se mogel upoznati s pucama i dečkima s pollitika.com. Brus Boltek. Frišku figu buš ti išel tam kam ti hoćeš. Išel buš tam kam rodbinski i kumovski štatuti zapovedaju.
I kaj drugo nek sam se moral raspeti na razne strane sveta. Krizma v Zagrebu, Krizma v Međimurju (Draškovec), krizma v Jmaničkoj, pak Prve pričesti i slična veselja.
Najljepše od svega je kaj se najdeš z ljudima koje si ni videl kak bi rekli za ove vlasti.
(Ispričavam se tak smo govorili v socijalizmu. Sad se to nekak brže menja.)
Neke sam ni videl od školskih cajtov. Tak smo moja ženica i jo bili pozvani na jednu krizmu, na koju smo fala Bogu kesnili kak i navek. Dok sam ja bil v ajncugu i odgledal na Max-TV-u celo poluvreme nogometne utakmice, ljubav mog života, moja ženica, razotprla je ormar i mrmljala kak si nema kaj obleći. Na krevet je nahitala 11 kiklji, 8 kostimov, kubik hlača i tunika i stolno kvocala kak si nema kaj obleći.
-Hodi tak v gačama, i samo si fertuna deni. Si budu gledeli kakva je to nova moda …odbrusil sam joj. Drugo poluvreme je započelo a ona se počela šminkati, češljati i oči mazati.
-Daj hodi jemput. Idemo na krizmu a ne v maškare.
-Daj muči tam i gledi to vrožju utakmicu.
Genuli smo se a baš su počeli produžetki. No nemrem reči da ni zgledala lepo.
Da mu mater morti se i splatilo čakati. V cirkvu smo ne dospeli ali v restoran gde je bilo obed došli smo na vreme. Još nisu ni odnesli plate s narescima. Najprije smo čestitali krizmaniku, kumima i roditeljima. Deda i baka, moji pajdoši iz djetinjstva skušuvali so nas kaj je brenčalo. Da te stora generacija kušne to se bogme i čuje.
Kak da bi čižmu z blata spuknul. Hodi Boltek oj si sedite. Posjeli su nas kraj jednog gospona v lepi moderni opravi, golublje sive boje. Kontrast temno plova rubača s još temnijom kravatom boje vina. Kraj njega je sedela fešt dama. Greha vredna ženskica. Da se upoznamo velim ja, pruživši joj ruku. Verica reče ona. Stjepan reče on i nastavi. Pak se mi dva bar dobro poznamo. Gledal sam vu njega i držal sam mu ruku no nikak nisam znal kam bi ga del. Videl je da ga gledim kak bik v nova vrata i zapita me. Kaj sam se tak premenil?
Morti ti bu lakše ak ti rečem da su me zvoli „Koružnjača“. Svet se oko mene zavrtel kakl ringišpil. Moj retro film se odvrtel v par sekundi.
–Pak kaj si to ti Štefek.
-Ja sam. Ja. …Bemti nismo se vidli od 67 ili tu negdi. Den i noć mogli bi pripovedati jen o drugomu. No najvažnejše je ovo.,. Nadimak Koružnjača. Kak ga je dobil, tko mu ga je dal, i kak je se skup skončalo.
Štefek je bil fačuk. Vanbračno dijete. Njegva mati nigdar ni štela reči što mu je otec.
Selo je sumnjalo no otec je i dalje bil nepoznati. Mati se mučila hodila v Čakovec na posel, za nadnicu je na ekonomiju kuruzu okapala bila tuđi sluga ali prehronila je sebe, dete i staru mater. Kad su svi mislili da bu Štefeka dola u zanat za špenglera, šlosera ili tak nekaj, ona ga je upisala v Čakovec na Preparandiju. Imala je podršku i Štefekovih učitelja, koji su u njemu vidli da z njega more biti nekaj. Vu to vreme v preparandiju su mogli samo dobro stojeći ili oni kaj su imeli finacijske potpore Općine ili države. Nadimak Kuružnjača so mu dali baš ti dobro stojeći puce i dečki iz razreda.
I dok su za vreme velikog odmora oni vadili sendviće sa raznim somericama i domaćim šunkama, Štefek je mel v čisti beli krpi zamotan komad koružnjače. To je bilo se kaj mu je njegva mati mogla dati da si pregrize dok ne dojde iz škole.
I svaki put kad je odmotal svoju užinu za veliki odmor, počela je zafrkancija i ruganje.
Koružnjača, koružnjača, koružnjača. S više ili manje intenziteta to je išlo sve do mature. A onda je zišlo ovak. Maturu je dočekala jedva polovica onih kaj su započeli prvi razred. Na maturi najboljši rezultat, čistu preticu, dobil je Štefek. Prilikom podjele svjedodžbi ili diploma, kada su se spravili slikat svi oni kaj su prešli a i oni kaj so pali na maturi, Štefek je odnekud spuknul koružnjaču, i išel od jednog do drugog kolege i kolegice. Pokazal im je koružnjaču i sakomu na glas, gledeć ga v oči rekel.
–Koružnjača.
To ljeto pak do denešnjeg dneva se nismo vidli. Jedni su rekli da j v Sloveniji, drugi da je u Švicarskoj a zapraf nismo znali gde je.
Da li nas je sam Bog natrag spojil ili pak smo od one store fele kaj još poštuje rodbinu i starinske običaje, i susreću se na krizmama, proštenjima, svadbama i sprovodima
–Glej Boltek se zmisliš naše krizme?
-Kak ne. Tebi je krizmani kum na dor kupil Omegu a meni Darwila. Celi den smo ruku držali v zraku kaj budu svi vidli naše vure. A glej denes. Laptop, kamere, zlato i bog te pitaj kaj se ne. Mislim da je najmenje mesta ostalo za Boga.
-Kaj buš …odgovori Štefek. Druga su vremena bila. Unda so vure bila lepi poklon
a denes je ovak. Da malo bolje pogledaš nikaj se ni premenilo. Sirotinja je srećna kaj ima kaj za jesti a bogatima je premalo i to kaj imaju. Još već bi šteli.
Meni su se rugali za koružnjaču. Danas se sličnima meni, siromašnoj deci rugaju na odjeći bez marke, zato kaj nemaju smartphone, tablete. Kaj ne idu na skijanje, ljetovanje i slično. Ljudi su ostali isti. 30 let sam u Švicarskoj delal kak konj da bi danas oni kaj su se z mene norca delali rekli.
-Lako njemu on ima penez. A nećeju se zapitati zakaj oni nemaju.
Puno je kod nas Koružnjača kakav sam i sam bil.
Danas se i Bog dal v politiku i nekak od silnih poslova ne vidi sirotinju. Svi o njima pričaju a svi od njih bežiju kak da su zaraženi.
30 let smo žena i ja poslije redovnog posla išli delat privatniku tri četiri vure.
Nije bilo kavica, pivica, pak bum malo oko ubil. Ak si štel kaj zaslužiti i ušparati, moral si i delati. No danas ni tam ni lako. Sve ide nekam k vragu.
-Imaš pravo.
-Navek je tak bilo i navek tak bu.
-Nego vidim da su se i naše žene lepo raspripovedale a moramo dalje.
Idemo još mami na grob i onda doma u Rijeku.
Razmenili smo brojčeke „tužibaba“ i pozval sam ga da sa ženicom dojde k meni na krstitke unuka.. Skušuvali smo se i razišli.
Žena i ja smo ostali do trde kmice.
Bog zna kaj nam zutra nosi poslije ovoga lepoga dana.