i puste suze proli po svitu
Zdenko Banjedvorec
Ka se vratim,
slušat ću samo mora tišinu…
Vitar raznosi riči, tihe, bodulske
razbaca ih daleko na more,
u mome mistu stalo je vrime
sve manje judi, sve bliđe zore…
Vaja me more, tuku oluje,
tugu u duši sa sebom san poni
sićanja mutna isto ka u snu
dok vali mi srce vuku ka dnu…
Znan da san dušu rasu po moru
i puste suze proli po svitu,
nikoga nima u dvoru mome
samo ta pusta tišina mora…
Svaku ću zvizdu za svitlost molit
i prvi vitar stavit pod ruku,
već čujen zvona u mome mistu
ponesi me more u moju luku..
Eto me otoče moj…
ope dišen… to je ta arja..
zauvik, tu di san se rodi,
slušat ću samo mora tišinu..
Adio judi..