Dubravka Borić
Iz kolĩcih brzinuõn
vožnjȉ izletȉt
i ne tȉt se vȉše
u njĩh vrōtȉt …
… Jȅ se tȍ smî?
Utȅć niza skãle
do butîge, iz kȕće
bosȁ, u papȕče …
… Jȅ se tȍ smî?
U hîp na surōlȕ bȉt,
kroz ȍgradu se provučȉvot,
na visinȉ hodȉt …
… Jȅ se tȍ smî?
U komȍru se zaklopȉt,
po izõć ne mȍć,
a ne mȍć ni otvorȉt …
… Jȅ se tȍ smî?
Ponȉstre rastvōrȁt,
prijatejȉce zvȁt,
šnjȉma ozgõr ćakulȁt …
Jȅ se tȍ smî?
……………………………….
Jȅ se tȍ smî? = da li se to smije?
tȉt = htjeti
vrōtȉt = vratiti
butîga = dućan
hîp = čas, tren
surōl = solar,balkon
komȍra = soba
zaklopȉt = zaključati
izõć = izaći
mȍć = moći