Vanja Škrobica
jema besid
ča jubidu
grlidu
mazidu
slake su ka cukar
meke ka bumbak
i teple ka materin zagrjaj
jema i oni’ šareni
puni’ koluri
cvitnega vonja
glazbe
ka poezija
znan i za beside
ča osvojidu iz prve
zarobidu i ponesu
rad’ nji’ se zajubiš
pa poludiš
čula san i tvrde
ladne beside
ča ugrizedu
pa zaklinjefu
i proklinjedu
znan i ubojite
i u tišini neizrečene beside
ča ka oganj pečedu
kad se kontradu
bivši jubavnici
2017.
Rječnik manje poznatih riječi
jema – ima
besida-riječ
ča – što
grlidu – grle
mazidu- maze
slake-slatke
cukar-šećer
bumbak-pamuk
teple – tople
koluri – boje
osvojidu – osvoje
zaobiđedu-zarobe
zajubiš-zaljubiš
ladne – hladne
ugrizedu – ugrizu
zaklinjedu – zaklinju
proklinjedu – proklinju
pečedu – peku
kontradu-sretnu
jubavnici- ljubavnici