( djedu kojeg ne vidjeh nikad
volio je pjesmu „ Pokraj Save kuća mala“)
Slavica Sarkotić
Rekli su mi da si otišel
Tam daleko, na kraj sveta
A ja nesem razmela zakaj se nesi vrnul
Sa ta duga, preduga leta
Babica draga čakala te navek
I na tu svoju noć žajnu
Nigdar mi ne bumo znali
Si li ti bar negda pomislil na nju
Rekli su mi da si fajn bogat
Da imaš avuto i paromlin
A ja bi samo bila rada
Da ostal si z babicum, ti stari fakin
A ne da si mi tak jako falel
Drugoga dragoga dedeka sem imela
Ali sem puno put mislila na te
Čuti ti glasa, videti te štela
Rekli su mi da se si nas zval
I da smo si mogli otiti
Nu samo se tete potlem otišle
Mama ne mogla babicu pustiti
Tulika leta već su minula
I moja mama pod zemlicum spi
A ja sem došla na kraj sveta
Da vidim de počivas ti
Nesem te srela za tvega života
Teru pesmu imaš rad sem znala
A denes sem i sama sedih lasi
Poleg tvojega groba stala
Kriz sem beli z rukum dodela
Čudne su rože okolo disale
A mene su čez glavu išle slike
I slane su suze na križ opale
Tam doma imam grobeke drage
Furt im rožice i svečice nosim
Sim sem prvi i zajni put
Oprost za te molim i prosim
Ja nigdar znala ne bum
Zakaj si na kraju sveta ostavil kosti
Znam da su ti babica i mama oprostile
I prosim Bogeka naj ti i on oprosti
St. Albans, Australia, 7.kolovoza 2018.