Marko Jareb
Višje boli ka’ te šćipne priko majice nego košulje.
A majica je bliža nego košulja.
Od pustih košulj’ i majic’ ne moreš na zelenu granu.
A majica bi se višje tribala boriti za te nego košulja.
To je skroz izokrenuto danas.
Dođe ti bliži neki stranac negoli tvoj rođeni.
Svako ima svoj križ.
„Nemoj se žapati okolo.“
„Meni moreš sve reći i nikor neće znati za to.“
Ka’ nešto kažeš majici oli košulji oma za to zna jaketa i kapot.
Zapravo prije bi tribala znati bljuza
A vidiš da to nije tako danas.
Opet sve to ovisi o majici oli košulji.
Nima višje ni majic’ ni košulj’ ka’ prije.
I u njih je uša’ tarac ka’ u kapot oli jaketu.
„’Di hi je viška sve hi tarac nagriza.“