Dubravka Borić
Kad bi mi muoglo bit
u kaleba se pritvorit!
… i priko konola, pridvečer,
na parapet sletit.
Slušola bin sestre kad se smijedu.
Gledola hi kad pul doma kalon griedu.
U rojenon vali, ribe bin ćapala;
u storon kužini, za svih parićala.
I kad bi mi još muoglo bit
na Opanak sletit,
idro išat,
zaburdižat …
Na puo konola š’njin bin stala;
sve mu ispričala:
zoč me, kad Broč gledon, srce boli
i zoč ne spin kad poželin da ga vej ne volin.
8. IX. 2005.