Stjepan Banek
Vu trnacu, kak bogica zgrblena,
vu zadnjem hropcu zdihavle hiža,
pognuta k zemli s trulemi trami,
više podseča na raspetoga s križa.
Potrgani obloki i hižna vrata,
se je razbito, rasklimano v kmici,
vinskih voža ni lajta drvenih,
nemre se najti vu razrušenoj pemlici.
Za bogicu staru nišče več ne mari,
zablena v trnacu betežna muči,
prešli su cajti i zginuli dani,
živlenje starinsko vu njoj se gasi.
Vehni vu tugi v plavem trnacu,
nek te veter i kiša razmače,
ognjišče domače i toplinu si dala,
a nove živlenje te polahko rastače.