AKO TE SINEK ČAKALA NE BUM

Slavica Sarkotić
Ako te sinek čakala ne bum
kad se ti jenput domu svom vrneš
molitva moja čuvala bu te
kad staru lesu v dvorišču odgrneš

Ako prazna bu hiža i kmica v obluke
čekale te budu srebrene magle
objele te budu meko kak moje ruke
i batvorile te budu če bi ti suze morti pobegle

Ako te sinek čakala ne bum
to ne bu zato kaj ne bi štela
f sakomu kutu buš poruku našel
i rožica bela f plotu bu cvela

Znam, veliki je grad f terem sad živeš
izlogi bleščeči, visoke hiže, i široke vulice k
tom
al pod odelo fino ti f srčeko skrivleš
misel na selo gde ti je dom

Tulika leta več su minula
prejde život kak tič da bi prhnul
i saka mi je zima jakše lasi pobelela
al´ navek sem znala da buš se vrnul

Ak ne bu dima z rafunga našeg
splašite se ne daj, to tvoj je dom
Tu sakicigel i črep na te čeka
da se povrneš kraju svom

Ako te sinek čakala ne bum
več buš me našel, za bregom, pri šume
prestrašit naj se lepeta krila
to su se laste stvorile u me

Ti samo pridi, podragaj kamen
u okolo sekut tiči se gnezde
z ovoga kraja ti snagu ponesi,
a jasem čakajuć te prešla vu zvezde

Iz knjige “Spomenek Turopola”