Novitade iz našega malega mista
piše: Josip Šantić Šangarelo
Pasalo je puno vrimena okad san se zadnji put javi Vaman dragi štioci Hrvatskega glasa Berlin i moje kolumne Štorije iz malega mista.
More me bit sram ma jopet vas molin da mi se oprosti jerbo kad dojdete na naše najlipje more na sviti a bome i okolici i obuzmu vas opojni vonji o lipega okoliša i koluri a da ne govorin o ribi i maslinovu uju, pa crnemu Dalmatinskemu vinu, prošeku i lipin domaćin rakijaman čovik odma zaboravi ča mu je činit osin uživat u svemu.
Evo prav za prav ovod se svašta dogajalo i to na relacijan od lipote do zajebancije, a sad ču nastojat lipo sve van spjegat. Puno san puti do sad notava u štorijan i ime našega najpoznatijeg likara dotura i profešura o plastične kirurgije moga dragega prijateja NEVENA OLIVARIJA.
E ti moj prijatej je u Njemačku di žive i unatoč penšjunu još povremeno rabota ka kirurg koji rješava ženske manjkavosti osnova Dalmatinsko-njemačko društvo likari za estetsku i plastičnu kirurgije koje je nazva „ AJMO SE POMIRIT „.
To je društvo osnova jušto prin pet ( 5 ) godin . I ovu je godinu po peti put održan simpozijum tega društva u naše malo misto di su se skupili svi najboji meštri o te grane medicine i osin radnega odmora lipo su guštali u svin našin Dalmatinskin delicijan od najboje oborite ribe priko mladi janjac i kozlići do najboji rakija travarica i vina.
Te su bakanalije trajale jušto 4 dana i to od 03-07 srpnja ove godine. Jo ča je ti moj prijatej jedan raston malešni a ka osoba veliki čovik sposoban učinit to niko ne more razumit.
Da ga nebi puno fali moran još samo jednu stvar notat o njemu. On je sebe proglasi za doživotnega sponzora fešte „ OLUJA „ 05.08. Svake godine dok je živ i umisto vlasti on časti nas dragovojce, invalide i ostale učesnike Domovinskega rata u našemen staremu portu a to su fešte o jića i pića o kojiman se stvaraju štorije.
Eto to je u kratko moj dragi prijatej Prof. Dr Sci. NEVEN OLIVARI rojeni mišćanin našega malega mista Gradac a građanin cilega svita. Čitan plakat o održavanju simpozija sa popison svi veliki likari koji rizuckaju i ulipšavaju žene u Njemačkoj a bome na poziv i u cilemu svitu i za ne zaboravit uvik su dobro došli u naše malo misto ….
Evo dragi štioci nadan se da san se iskupi za pauzu u nepisanju. Živi i veseli bili pozdravja vas vaš morski čovik Šangarelo.
Mene je jednom u VIP_Raumu Dugopoljske nogometne ljepotice, nakon što sam krenio na tribinu pozvao g. Srebrić riječima “Ivo hajde da se pomirimo!” iako se po moju nismo nikad posvadili. Vratio sam se i upitao šta to znači, Srebrićev je odgovor bio to je izlika kako bi popili još jednu čašicu u ovom slučaju vina, jer to je običaj kod njega u Petrinji. Inaće smo dobri prijatelji samo što se ne slažemo kada je govor o Zdravku Mamiću. Na njegov govor da bi i Hajduk bio prvak kada bi Mamic bio u Splitu, odgovorio sam ne hvala, zadrži te ga… Read more »