Dubravka Borić
Sad
zvoni
stori
zvuon.
Zvoni …
zvoni …
Zvoni
mrtvi
zvuon.
Neka
svak
pito
i
neka
svak
zno.
Slušon te
zvuon,
a nison
tamo.
I suze mi
lijedu …
I molin
očenaš …
Svima kolo sebe
mobitel pružon,
a svi
mučidu.
Zoč?
…Jo vuod san,
ma san tamo
i gledon kapaniel
sa surola storega
gledon
stori
zvuon.
Slušon
kako
zvoni
na lino
i dugaško,
nu mrtvu
škuru
melodiju,
ča izdiše
ča skoro ne diše,
ča rastieže se
na daleko
i duboko:
u meni,
u tebi,
u nami …
Bilac
srcen rebatije.
Mrtvi zvuon zvoni –
zajedniški
i jedini iskreni
prijatej
svima
u mrtvo -ostvorenin
životnin
snima …
Zvon,
zvon,
zvuon,
i napominj materijalno-pohlepnima
da ni sve
u bogatstvu
i u šoldima.
(Sestri Ivanki)
Pučišća je volila,
jer bila je
rojena i gojena
u njima,
smijala se
i plakola
š’ njima.
U petrodi se po dizalici penjala,
s Nove rive na glovu u more skokala,
kozu po Bračuti pasla i čuvala,
pismon i bruškinon skaline fregala.
Lušjala,
Bilila,
šila,šila,šila…
i očevu armoniku na botune
svirila …
16. VIII. 2014.