Dubravka Borić
Iz kolĩcih brzinuõn
u vožnjȉ izletȉt
i ne tȉt se vȉše u njĩh vrōtȉt …
… Jȅ se tȍ smî?
Utȅć niza skãle
do butîge, iz kȕće
bosȁ, u papȕče …
… Jȅ se tȍ smî?
U hîp na surōlȕ bȉt,
roz ȍgradu se provučȉvot,
na visinȉ hodȉt …
… Jȅ se tȍ smî?
U komȍru se zaklopȉt,
po izõć ne mȍć,
a ne mȍć ni otvorȉt …
… Jȅ se tȍ smî?
Ponȉstre rastvōrȁt,
prijatejȉce zvȁt,
šnjȉma ozgõr ćakulȁt …
Jȅ se tȍ smî?
…………………………
tȉt – htjeti
vrōtȉt – vratiti
smî – smije (od glagola : smjeti )
niza – niz
butîga – dućan
hîp – tren, čas
surõl – balkon
hodȉt – hodati
komȍra – soba
zaklopȉt – zaključati
izõć – izaći
mȍć – moći
ponȉstra – prozor
šnjȉma – s njima
ozgõr – odozgo
ćakulat- čavrljati