Marija Juračić
Dimi se more, diže se bura
škuri su vali, vala je škura
škuro je nebo, misli su škure
mi smo se stisli spod balature.
Osićan kako srce ti buba
dršće ka tica, vrimena gruba
mi smo se stisli spod balature
škure su kale, ure škure.
Škuro je cviće usrid đardina
konopi škripju, škura marina
škura je škura i škuribanda
miluje dušu ka bevanda.
*Uglazbljenu pjesmu “Škuro je škuro” izvest će Dario Darko Ciprijan na ovogodišnjem XXV. po redu, Marko Polo festu koji se održava od 17. do 19. srpnja 2020. godine na Korčuli.