Manuela Bareta Buličić
Krēnȉle su stȍpe
Prȉko prãga o konȍbe
U dalẽki nȉki
I nȅznani svȋt
Tȁmo di nȁs nȉka nĩje
Nȉti če nȁs ȉka bȉt
Zapūfȁli novi vȉtri nȉki
Kojȋ jȉdriman nȉka nĩsu
Nȁzad dȃli
Dȍma dõč
Nȅgo su jin kȍsti stãre
Zȁnavik
Na tūjȅmun ostȁle
Plȁčedu mi jȍči
A i sȃrce
Svȅ brȅz sũz
Dũša mi zadȑče
I tȋlo ustrȅpje
Kȁ se sȉtin
Stȏp
Kojȇ prȉšle prȁg su
O konȍbe
I nȉka se
Vȉšje nĩsu
Nȁza
Čȕle…
TUMAČ:
stȍpe – koraci
prȉko – preko
prȁg – kameni ulaz u kuću, konobu
nȉki – neki
ȉka – ikada
jin – njima
zȁnavik – zauvijek, za sva vremena
tūjȅmun – tuđemu
jȍči – oči
brȅz – bez
zadȑče – zadrhti
ustrȅpje – ustreperi
sȉtin – sjetim
nȁza – natrag, unatrag