Slavica Sarkotić
Gda ti mi dojdeš sunce mi sine
Čez celu hižu pesme preneseš
Ti moja tičica, drobna, vesela
Sobom mi navek radost doneseš
Liceko tvoje navek se smeje
Z pogledom svojem hižu ogreješ
Glas ti zvoni kak violina
Obluke raspreš, rože zaleješ
Gda ti mi dojdeš mam je nedela
Če baš je nejakof delatni den
Baš si onakva kakvu sem štela
Čerkica moja lepa kak sen
* Pjesmu “Kčerkica moja lepa kak sen” Slavice Sarkotić koju je uglazbio maestro Siniša Leopold, zapjevat će naša poznata operna diva Lidija Horvat Dunjko na Festvalu Kajkavske popeke 12. rujna 2020. u Krapini.