Slavica Sarkotić
Se zmisliš negdar
Šumarka f terem su
Najlepše jagode črlenele
Ne ga
Za cestu su ga posekli
Se zmisliš negdar
Vuličice
F tere su zuti jaglaci
I plavi fergismajniht cveli
Ne je več
Asfalta su razvlekli
Se zmisliš negdar
Potoka i brvi rasklimane
Po tere smo drčali
Ne je več
Potok je presušil
Brv je strunula
Se zmisliš negdar
Vugleca de si mi negda
Prvi kušlec dal
Još navek je tam
Samo tebe i mene tam
Zdamlek več ne
* Izvedeno na Recitalu kajkavske poezije, Krapina 2020.