Ivek Milčec
Dok je svet još bil v redu,
sa mesecom studenim
došla studen, megla i snieg
a bogme i zima,
pa je najlepše bilo
v toploj sobi, pri peči,
na kojoj su gusnati ringi
od ognja bili črleni, rdeči…
Iznad velike peči
sušili se canjki, dedekove
gače i obojki
a na užarenoj, gusnatoj tabli
mama je kuhala žgance
za svoje male posrance.
Več sme, kak se veli,v zibači
skužili da se stareši spominaju
kaj bu se speklo za Božić;
bu se zvadilo meso z paca
a na blagdanskome stolu
počasno mesto buju dobile,
pečena purica i raca!