Dubravka Borić
Rumene su ponistrice.
Dimidu fumori.
Sve štrode, sve kale
pune pršuratih vonjih.
Motoj, motoj u folije
orihe, jabuke, bombuone, ‘miendule…
Obisit hi vajo svukuda po boru,
da svitlidu lipo prid večer i zoru.
Ti ćeš, oče, zamutit jopnja i vodie
i sve lipo poškropit- snigon zasnižit:
i ondjele ‘vrh štalice, i zlotne nin trumbice,
i zvizdu repaticu, ča vodi Ditiću.
Kad duojdedu pastiri
i kroji ki štalici
da se poklonidu, da kleknedu,
Ditiću na slamici.
…A mi ćemo puoć
na prage svih vrot-
-koliendrot, koliendrot,
s’večera do u noć:
Sritan Božić
i Novo lito zaželit.
Manje poznate riječi:
ponistrica- prozorčić
fumor- dimnjak
štrode- šire ulice
kale- uske male ulice
pršurate- fritule
vonji- mirisi
(o)miendule- bajame
joponj- vapno
ča- što
kroj- kralj
vrota- vrata
koliendrot- koledati
lito- godina