Komentar na tekst TALENT SHOW
Morski čovik/ 08.03.2013./Je svaka čast jema u ovemu osvrtu jako puno istine ma za gospu blaženu zar je u nas judi svaka nada umrla. Ovemu tekstu bi tribalo dat peticu ma zbog ovega ča san reka a zna se da NADA umire zadnja, nemormo ocjenit više od tri i po. Znan da če mnogi reč pa ča bi ti tija ženska je sve lipo notala na kartu, je bome je ma jopet bi ja bi sritniji sa dvi slane sardele i žmulon vina pa neka kruv bude i od tri dana vengo da samo jeman crno prid oči.Nije gospemi baš sve crno jerbo smo mi narod koji če u zanju jemat force sve okrenit naopako oču reč naoopusum i bit če boje jerbo mora bit boje. Ča se tiče kritik pojedini pulitički prvaci ja ka livičar moran reč da su me svi skoro svi razočarali ma jopet se mislin a sa čin su ovi sad mogli nešto boje napravit kad su jin oni pri nji a ZNA SE koji ukreli i falše zube narodu tako da nemoredu njanka žvakat vengo nas triba ranit na slamčicu.
Jopet držin da gospođa Marelja ni takla izdaleka ni sa ščapicon največe parazite današnji dan a to su sve odreda sindikalni prvaci. Judi moji kad san ja bi u onemu mraku prešidente o sindikata nisan jema plaču osin svoje na radnomen mistu i cili moj posa je bi kako judiman olakšat život zaštitit ji od otkazi i bome naručit dobru zimnicu za male šolde. Ma ovi danas jemadu plače ka ministri i samo sijedu mržnju i skandale a najžešči su kad njiman pukne u možjane da triba zvat narod na demonštracjune jerbo svi triba skinit sa vlasti samo nji ne jerbo su oni od boga dani.
Koliko ja jeman informacij ni jedan od nji se nikad ni iskaza ka veliki trudbenik a gospemi nikad niko o nji ni zaradi žuje za priranit sebe i svoje. Zato ja sa ovega mista pozivan sve pametne da triba sidikalne vođe oliti prvake zatvorit u prežun dat jin dva ektara zemje i neka sa svojin radon priranu sebe i svoje pa unda da vidin kome obojci a komen opanci.
Eto toliko od mene starega grintavca iz Dalmacije.