Pesje vrućine
Zdenka Gleiβberg
Joj kak je vani vruće …se gori im bu sa kuruza i se kaj imamo zgorelo. Prave pesje vrućine, pa smo ja i Štefek donesli odluku, nić drugo nek u toplice da se malke odmačemo i namačemo.
Problem je nastal kaj mi onaj moj badeancug od pre deset let nekak ne paše. Cvika sim, cvika tam, jedva sam ga prek navlekla, a bogme i gornji del se neda lahko skopčati.
Štefek veli:
– Pa nebuš takva išla …tam gdi te si glediju.
-A joj Štefek pa kaj bum sad, onda nemremo sutra nikam iti.
-Pepica a kaj tak komliciraš …pa moreš tam v sosu sediti.
-A kak bum išla u vodu, bum se tam celi dan na suncu pekla po toj pesjoj vrućini.
-Aj dobro onda se bum ja sel mal podalje od tebe, na drugi ručnik.
-Štefek, Štefek kaj se ti mene sramiš, sram te bilo.
Kad smo stigli tam se puno, nigde mesta ni za jen ručnik a kamoli za dva, baš sam se slatke v sebi smejala, im bu se moral stisnuti s menom na jen ručnik…
Nekak smo se smestili malo stisnuli i bome Štefek pozabil da je moj badeancug premali .
Oko nas same puce sa nekakvim trokuticćma, kaj sam pokriju ono najnužnije, a moj Štefek gledi sim gledi tam i pozabil name, i na moje trokute.
–Joj Štefek bas sam dobila apetit na nekaj slatkega,
-Ae si nekaj povedala?
-Je Štefek bimi donesel jen sladoled?
Bome se Štefek zdigne zeme svoj gertašlek s penezima i ode.
Za jedno pol vure stiže Štefek ali bez sladoleda.
–Joj pa kaj mi nisi donesel sladoled?
-Ma ne …znaš jesam kupil ali kak sam išel nazad, moraš stalne paziti kud hodiš i tak mi je počel cureti po prstima pa sam male lickal sim, male tam, i najemput mi se našla na putu neka pucka, im mi je opal dole, još me je bome zaspotala kaj ne pazim kud hodim i gledim.
-Joj pa si mogel prejti po novega.
-Je kak ne …ojdi sama pa moreš usput odmah lickati a ja se bum zato vreme malo moje okece odmaral i nogice namakal.
Lep pozdrav od Pepice i Štefeka sa zagorskih bregi…