Slavica Sarkotić
Sem vam
kam vu mojem srcu spite
velim: bojati se najte
zgubleni ne bute
dok moja noga gazi
ovozemalske pute
Prenesla bum vam čez megle
čez proleča, čez leta
čez jeseni žute
Čez bure vas bum
v srcu svem prenesla
med ljude tašte i krute
I če bi mi rekel nešto
da ne vas več
i da ste samo
plod moje mašte
veruvala ne bum
Zato kaj ste živi
vu mislima mojim
i vu mojem srcu
od jutra bleščečega
do turopolskih kmica
vu trsju, vu grana
vu tamburami i v živica
Od jutra do zutra
ja vas nosim sobum
gliboko vu srcu
od vseh drugih skrite
i jeno vam rečem:
Vi ste moj mir
vi me ne bolite