PRVI MRAZI

Ivek Milčec
 …iz nove knjige “Štel bi te belega meti”

Prvi mrazi
zemlu i krove
su zabeleli
polako snegu
teren pripravlaju,
a prirodi
zimski štih davaju.
Vsi se,
nekak,
zime bojiju,
ne znaju jel bu oštra,
z puno snega
i ledenoga vetra,
kaj vsaki
kaput prepuše,
od mrzline zazebe
pri duše.
Naši stari znali su reči
da se protiv zime
ne bori pri peči!
Da najbolše je
s pajdašima v kleticu pretji,
čim vekšu kupicu
v rukice zeti.