Joža Prudeus
Saka je na jednem bregu
ober trsja, pola, gaja.
Kakti kopča črlen – bela
z plavim nebom zemlu spaja.
Kakti drobna grličica
išče sunce na čistini.
Kakti gruda beleg snega
bliže šume zavetrini.
Te kapele sanoborske,
ne znaš koja srcu bliža:
sveteg Jurja, Ane, Vida,
il, pak ona sveteg Križa.
Sve po malo človek zabi.
Nij to dobro, gdje su senje?
Nis vre dugo, moram taki
pret vu selo na proščenje.
Te kapele navek drage.
Okol groble okinčeno,
kam su prešli naši stari,
a pozutra i mi pemo.
Licitarsko srce tebi,
sveču vužgal… kad me ne bu
naj mi dobri stari svetec
bu isprosil plac vu nebu.