Piše: Jadran Šantić Šangarelo
Ovu san godinu doša ranije iz metropole na more jerbo je Uskrs bi zanji dan miseca marča. Računa san da ču ovod uz more u miru moć radit rekuperavanje poslin operacjuna kolina, ma ke, bija san naivan i nadobudan.
Je prav za prav more i sami vonji Dalmacije u judiman bude nove izazove i daju jin forcu za sve brže i kvalitetnije priživit, ma onda se pojave dušmani koji ti nedaju tvoj duševni mir nego te tiraju da se jidiš, suješ i da od puste nervoze beštimaš sve i ono ča se smi i ono ča se ne smi.
Iako je vrime bilo gnjilo i svaka me žunta tila bolila a napose oni dil di san ranjen i sada di mi je napravjen operacjun mislija san da sa tin prirodnin barufan kako tako mogu izač na kraj, me je boga jokina jerbo kako jeman tvrde navike svako jutro kupujen dvi novine i to našu lipu Slobodnu Dalmaciju i Jutarnji list da bi zna ča se u državu događa, jerbo novinariman triba virovat a isto triba znat kad ji čitaš razvrstat jesu li livi joli desni.
I sad u ovemu mome miru jutros san poslin jučerašnjega dvoboja Milanovića kontra oporbeni dušmani ka ča je bilo i kod OK korala tija proštit ča pišu svi i jema san ča i vidit. Moran odma reč da i naše malo misto ne more živit mirno i idilično okruženo lipoton mora jerbo ga jebe pulitika odnosno oni prizemni gadi koji sebe smatraju pulitičariman a posebno oni ča su državu doveli na rub propasti i jopet jemadu obraz ka đon pa uzimaju sebi pravo da svakoga optužuju a na svoja pleča neče da prime piz srama i odgovornosti za krađu i sve ostale lopovluke koje su napravili u zanji dvadesetak godišč.
Moran reč da danas i tice na drvećiman pivaju o temu ko je kriv ZNA SE, ZNA SE. Zašto san odluči o svemen pisat? Zato ča san u današnje foje naša štiva koja triba studiozno proštit i dobro zapametit sve i to od delikti do kranje krivnje i sramote. Carinik Goran Vlahov Šibenčanin je državu do sad zajeba za 384 ijade kun jerbo ova naša država sa svin zakoniman je jalova i napravjena za vrime HDZ-a tako da je more svak must i ne bit kriv.
Da bude čudo još veče ti šjor Vlahov je osnova i novi sindikat da se more borit kontra države i tako zaštitit svoj nerad i pjačku a sve kroz borbu nikega livega sindikata, jerbo kod nas danas jema više sindikati nego svita a njiovi prvaci jemadu plače ka plemiči i jebe jin se za narod za koji bi se tribali svin sredstviman borit.
Zapovjednik i veliki policjot na odgovornoj funkciji Merčep postrojija policjote pod svojin zapovjedništvon da bi ustanovija ko je udrija njegova sina radi očite provokacije i vriđanja dignutin sridnjin prston. Karlovačku banku opjačkala obitelj Šola. Po Splitu se puca ka na divjemen zapadu a u mirna i idilična Kaštila tučedu bombe rašpe livorveri i to samo od onda kad su se doselili niki priko brda i kad je zavlada zakon kriminala pjačke kuraluka iznude i ostali kriminalni radnji.
I na kraju ovega nabrajanja nasmijala me štorija moga prijateja Saše Ljubičića o tunelu Sveti Ilija. Judi moji u samu jednemu danu ovliko zajebani naslov u novine moradu čoviku udrit u možjane i čovik koji je osjetjiv more rebanbit, a ko če onda bit kriv niko jerbo više nima Pedra a drugi neče da vise oli nisu spremni na tu žrtvu.
E a sad ajmo koliko se more napravit analizu naslovi. Carinik koji bi triba štitit zemju i jude kontra svi kriminalni rabota na granican lipo žive u idiličnomen Krešimirovemu gradu i prima 8000 kun svaki misec iako ne radi a ka nagradu je dobi za ti nerad i promaknuče . Pa di to jema, nigdi vengo u Rvacku.
Zapovjednik u policiji jedne demokratske i legalističke zemje postrojava svoje policjote da bi dozna ko mu je to sina šikanira. Pizda van materina pa zar oni neznaju da je policija njegova prćija i da njegove iz fameje niko nesmi njanka krivo pogledat a nemoli zajebavat.
Pitanje …zar policija nije državna zaštita naroda i njegovi prav? Gledan jučer na TV kako se krevelji Karamarko i njegova bulumenta a napose oni ča pari ka peško Jandroković a i oni do njega debel ka prasac Šuker koji je bi ministar o financij i koji je svjesno bez trunke odgovornosti zaduži državu do grla, pa judi moji zar oni misle da smo svi dobili amneziju i da se više ničega ne sićamo od Tuđmanova zakona kad je prisvojija kuču u Nazorovoj do Sanaderovi pjački sa svojin jataciman iz vrja stranke ZNA SE.
Ovo iznosin ka po nikomen redu i za danas bi tija samo spomenit tunel Sveti Ilija kroz Bijakovo. Od pantivjeka ča to nezna ministar Hajdić Dončić naši vridni VLAJI (zašto san napisa velikin sloviman, zato da se zna da su uvik bili veliki i vridni izdanci našega naroda).
Dolazili su priko brda u Dalmaciju na nadnice i osin teškega rada su minjali svoje žito luk kapulu i kumpire za suvu ribu i maslinovo uje. Od iskona su sanjali kako u Dalmaciju doć brže i jednostavnije i barenko malo uživat u lipotaman mora i kad je saživila ideja o tunelu oni su dušon i tilon podržali projekat. Danas užežin otvaranja tunela oče vlast da jin naplaćije tunelarinu.
Znan da se u svitu takve pristojbe plaćaju ma ja smatran da u nas niko ne bi smija ni pomislit da prolaz kroz ti tunel ka vjekovnu žeju ovega puka triba naplačivat i zato san kontra odluk ove vlasti da tunel Sveti Ilija jema tretman ka svi drugi tuneli, jerbo je on ostvareneje svi snova i žeja zabiokovskega živja.
Evo dragi moji štioci pa vi recite jeli meni lako u ovoj dalmatinskoj lipoti živit i uživat kad me taredu vake teme. Do sljedečega javjanja živi i veseli bili bez vaki problemi i pozdravja vas vaš Morski čovik Šangarelo.