Ivek Milčec
Zagrebu pismeko pišem
a poskrivečki,
suzice brišem …
Ni me sram plakati
kad se zmislim
kak imam ga rado,
da ga ni
ne bi mi bilo,
tak srčeko mlado!
Od mene je
puno, puno stareši
zato ga poštivam,
za vsaku obljetnicu
novi ancug,
pri šnajderu šivam.
Škrlak kupim
kod klobučara Cahuna,
za Agram pomolit
se idem,
kod svetog Antuna.
Pismo bum
k Matošu odnesel
a stari Gustl,
sigurno bu vesel.
Vse si mislim
da bi ga trebal
i Šenoi pokazat,
a španciranje,
z gemištekom podmazat …