Ivan Dobra Žirjanin

Ivan Dobra Žirjanin
Ne jidi se na me,
dušo moja draga,
ne jidi se na me
ča dolazin sada;

ča u male ure
tvoj razbijan ti san,
ča zatvaran škure,
a pivac zove dan.…

više

Ivan Dobra Žirjanin
Daj mi lapiš
i maricu foja
da ti pišen,
golubice moja;

da ti pišen
kako mi je sada:
tu, prez tebe,
ubi me dosada.…

više

Ivan Dobra Žirjanin

Borisu Dvorniku

Bor će na Marjanu i napri’ rest drito,
Orošen suzami ke do žil ga bolu;
Rič mi je zastala, pa sve usakrito,
Išćen svoj facolet. Crna kob u dolu!

Sebe si darova i dasci, i placu,
Uža si osvitlit ča niko ni moga;
Duh je tvog umića uša u užancu
Vitru se oduprit, makar iznemoga.…

više

Ivan Dobra Žirjanin
S brda se vidi
moj dom premili,
volat mu stari
i zidi bili.

Još vidin oca
na crnon brodu:
umoran, paljon
palja mu vodu.…

više

Ivan Dobra Žirjanin
Molajte ga neka se odmori,
torna se je iz daleka svita;
nek’ mu budu umiljati dvori,
patija je i zime i lita.

Molajte ga neka se odmori,
neka skine o’ stin teško brime
jer lavur ga do košćin umori
kroz pasano oto pusto vrime.…

više

Ivan Dobra Žirjanin
Ariva je barba Toni,
ništo prignut, ali vas sid,
na njemu se eno lašći
novi mu i lipi veštid.

Pripozna’ ćeš njega lako:
valiž su mu pune ruke,
brk mu pušćen naopako,
prave bira on klobuke.…

više

Ivan Dobra Žirjanin
U tren je bonaca
u duši nastala,
jer davna mi želja
stvarnost je postala.

Al’ kad san vidija
more, škrape, svoj dom
i tuja mi lica,
u meni tuga, lom.…

više

Ivan Dobra Žirjanin

Došlo je vrime
da tamo hitan,
došlo je vrime
da s tobon cvitan.

Vraćan se tebi,
zemljo mi mlada,
vraćan se tebi,
vas sritan sada.…

više

Ivan Dobra Žirjanin
I toga se jutra rodija dan,
kaj ča se je zna rodit i do tad.
Sunce je bilo ušlo u moj stan
s ponistre dok san gljeda velegrad.

Ka’ odjednom na samon obzoru
dim pakleni sukne u visine;
strah zavlada na kraju i moru
sve zbog strašne i priteće tmine.…

više

Ivan Dobra Žirjanin

Vrati’ ću se, moj biseru,
ma još mi se pinku manta
o’ oblako ča se veru
kroz ‘vu forcu od levanta.

Prebrodi’ ću pusto more,
brod mi srce, ljubav idro;
jedne lipe rane zore
uz žalo ću svurgat sidro.…

više